جاء ليراها بعد طول رجااااااه شوفوا ايش صااااااار

هذه قصه حقيقيه حدثت لشاب من مدينة درنه
مع فتاه احبها من طبرق ...واليكم التفاصيل
محاولة سرد القصه كما عشتها..
فأعذرونى ان كان فيها خطاء ما لانها الاولى

فى يوم من الايام بينما كنت فى المركز الطبى طبرق من ضمن المرضى فى قسم العضام
قد دخلت المركز بسبب كسر بسيط فى يدى اليمنى بسبب حادث سياره...
وانا اتجول داخل القسم لكسر الملل ومن المعروف ان المركز الطبي لاتوجد به اى وسيله
ترفيهيه مثل جهاز تلفزوين او غيرها اللهم الا الموبايل ومايحمله فى الممورى كارت
او اذاعة البطنان المحليه ان كان تليفونك حديث بعض الشئ المهم بينما انا اتجول مررت بشاب ملقى على ظهره وعلى السرير داخل قسم الانف والحنجره ويغطى وجهه الكثير من lol!

الشاش القارزه والقطن واثار الدماء لازالت موجوده على قميصه الخارجى {السوريه}
فحسبت انى اعرف هذا الشخص من هيئته ومظهره الخارجى لان الوجه مختفى وراء القطن
والقارزه المركزه فوق انفه وعندما اقتربت من سريره كان يبدو على هندامه انه شاب انيق وجسمه رياضى ويتمتع بقليل من الطوول ..
جرى بيننا الحوار التالى..
السلام عليكم... الشاب نظر الى بعينين شاردتين وبصوت خافت ومتردد عليك السلام
انشاءالله لابس عليك.. الشاب تمتم بكلمات لم افهمها وادار وجههه الى السقف واستقر نظره
وعندها ايقنت انى لااعرف هذا الشاب وهو لا يعرفنى .والذى اثار فضولى لمعرفة مشكلة
هذا الشاب انه وحيد فى الغرفه بجانبه وجبة الغداء لم يحرك منه شئ مع انه كان دسم ويرافقه
اصبع من الموز وسان توب منجا ..المهم انى اصبحت ابحث عن مدخل لاتحدث اليه واجعله يطمأن لي ..
فقلت له ناقصك شئ تبى شى وحياة خوك راه العرب البعضها ماتحشمش
فرد علي بصوت واضح ومطمان قليلا بارك الله فيك..
فقلت له يجب ن تغيير ملابسك لان لسوريه فيها دم غير حتى السوريه بس
فقال الشاب ماامعاى شئ ماعنديش دبش .
فقلت له بسيطه توا انعطيك توته وله جلابيه اتغير فيها نين تتصل بهلك ايجيبولك دبش
فى الزياره والزياره اقريب .
فتنفس بعمق وتؤه وقالها بمراره حتى التلفون كسروه ونا موش منهنا نا من درنه وطيحونى فى مطب الطبارقه..
تاكدت ان وراء اكوام القطن هذه قصة مثيره وربما قاسيه واليمه..
فقلت له معليش معليش انشاء الله سليمه تو تغدى وبعدها الها حلال ..
فقال الشاب المسكين مانقدرش انحرك فمى لان خشمى مكسور وجهى راقد كله ممكن عصير بس وبداء يسحب جسمه الى الخلف فأحضرت مخده من السرير الخالى الموجود على يمنه ووضعتها خلفه فقال شكر تعبتك .. فقلت لالا عادى مايهمك شى Sleep

فتشجعا وطلب منى سيجاره فقلت له باننى لاادخن ولكن سوف اتصرف لك من المرضى بالمركز انتظرنى قليلا.. ذهبت فوجدت احد الشياب فى البلكونى ينتظر الزياره ويداعب بين يديه معشوقته ويغنى بتمتمات لم افهمها فعرضت عليه الامر فلم يمانع واعطانى سجاره نوع رويال رئحتها كريهه فجلبتها له فتبسم وقال احرجتك سمحنى فقلت لالالاعادى مايهمك شى Question

بينما كان يشعل سجارته قال وهو يضك بحذر بارك الله فيهم الجماعه تركولي الولاعه..
وفجاة وجدت نفسى اتكلم بصوت مرتفع وبه شئ من التذمر ..لان الفضول اخذ مأخذه منى
فقلت له ..ياراجل راه اقريب تنبت فى راسى انخله farao

نبى نعرف قصتك وشن صاير فيك من الطبارقه يادرناوى ممكن انجيبولك حققك راهو انا من قبيله وقبايل البطنان تحترم فى بعضها
ونعرفوبعضنا اكويس ومافيش مشكله الا ولها حل بس احكيلى راه اوصلت حدى ..
طبعا هذا الحوار بعدما احضرت له جلابيه وسروال وغير ملابسه .. cat

واخيرا بدا حديثه قائلا.. انا من درنه خريج جامعه من سنتين ومزلت ما تعينت والسكن فى الساحل الشرقى .. ايام طيحت النقال في ليبيا جابلى خالى هدية التخرج نقال نوع الدمعه وكان غالى طبعا بعدها شريت شفره وغاليه حتى الشفره خمسميه وبالصدفه والله صدفه جتنى رنه
ممكن بعد اسبوع من دورتى له مادورتش لكن بعدها بيوم تكررت نفس الرنه..من نفس الرقم
قلت والله نتصل بالرقم كنه يرن عليه ممكن واحد يعرفنى وماعنداش رصيد بعدها طلبت الرقم ضرب ضرب ضرب ومافيش رد بعد دقيقه ردة الرنه طلبة من جديد ضربتين بعدها
انفتح الخط قلت الو الو صوت نفس بس وبعد اشوى صوت بنت ناعم ويقول من انت تفضل
كنك اترن عليا تعرفنى قلتلها والله العظيم انتى اللي رنتى الاولى قالت فكنا من الصخافه
واللازعاجات عيب عليكم قلت يابله ارجى اشوى راهو انتى اغلطتى فى ونا رانى راجل محترم واستاذ خريج جامعى ومانيش همجى كيف ماتضنى وبعدها هديت اشوى وقالت انت منين اتكلم قلت انا من درنه قالت مرحبا بعرب درنه ايعزو على واجد ومن هذه المكلمه العنيفة بدات قصتى وتبادلنا رسائل عاديه فى البدايه وبعدها همت بها وحبيتها تمت المكالمات يوميا منها هى وكانت تبعث لي فى كروت رصيد لان حالتها الماديه اكويسه
وبعد سنتين من المكالمات والرسائل بس لاشفتنى ولاشفتها وكل مااطلب منها القاء تقول مانقدرش
هلى واعرين يقطعونى ويقطعوك انكان عندك امكانيات تعال اطلبنى وجرب حظك
لكن انا لاحول ولاقوة ماعندى شئ قاعد ناكل فى روحي اوخلاص ماعندى مااندير..
وبعدها ذالك صمت قليلا و استعدل فى السرير وقال غريبه غريبه معقوله اطيحنى فى مطب كانت اتحبنى
كانت كل صبح لازم اتصبح علي وتبعثلى رساله حلوه فيها غناوه او بيت شعر رقيق
وكانت اتحب الشعر العربى واجد وكانت شخصيه مؤدبه ولبقه ومثقفه ورقيقة المشاعر
وكل عيد لازم انعيدو على بعضنا اول وحدين طبعا بالتلفون ..

تأوه طويــــــــــــــلا وقال عارف يابوصاحب النساء مالهنش امان بلكل..
طبعا انا مستمع جيد ومتشوق للقصه الكامله ولكن من ادب الحديث بين الفينه والفينه يجب ان تنعم وتشارك بكلمات لتحفيز الراوى لقصته الحزينه فمثلا تقول صدقت انعم عندك حق لاحول الله وغيرها من الكلمات المنمقه لجبر الخاطر المهم بعدها واصل الشاب حديثه بمراره وقال....
ياراجل شوف الصبايا بعد ماكانت اتحبنى ابجنون جرتنى وقالتلى تعال نبى انشوفك ضرورى
فى طبرق دبر راسك نا ماعدش انتحمل قلت انا انراجى فيها من زمان الحظه هذى لكن امتى انجيك وين تبى الصراحه كانت موش طبيعيه تبكى ومستعجله ومرتبكه فقلت وين انجيك confused

قالت فى العياده الفلانيه {طبعا لاداعى لاسم العياده لانها عياده خاصه} الساعه عشره صباحا
لما تنزل فى طبرق خوذ تكسى وقوله عالعياده توا ينزلك عندها وايش تبى تلبس لما اتجي
فقلت بكل برأة جبوتى لونه كذا وسوريه لونها كذا وبيدى باقة ورد هديه رمزيه قفلت التلفون من دون ماتقول مع السلامه اواى كلمة وداع وبعدها تمت ماعدش ترد علي النقال ابد
انا شاطت فيه النار وجيت الطبرق فى اجره ونزلت وخذيت تكسى ونزلت قدام العياده اوشايل ورد نبى انخش جوا العياده عند الباب وقفونى ثلاث شباب وقلاولي دقيقه ياشاب نبوك لحظه Rolling Eyes

بينما جرنى بقوة واحدمنهم النقال امتاعى تم يضرب قلتلهم لحظه ماعليش شفت الرقم القيت
رقم حبيبتى اللى تنتظر فى فتحت النقال وقلت الووووووو واحد من الشباب ايقول تأكدنا تواه منه انه هو الحقير اللي يكلم فى اختى ديما واخذ منى نقالى ورماه في الساس الى امقابل شوى راح طراطيش نبي انتكلم وانقول ليش ادير هكى عينك ماتشوف الا النورنص ابلكه جايه شور وجهى farao

مااوعيت الاهنا فى المستشفى ومزلت دايخ مانيش عارف ايش صار بالزبط. Basketball

.
مع نهاية الجزء الاول لقصة صديقى العاشق بدأت طلائع الزوار تدخل المركز فقلت له اسمحلى عندى زوار نبى نمشى للغرفه بعد الزياره توا انجيك نكملو القصه..اوكيه bom

ثانى يوم دخل المستشفى اثنين من الشباب ايدورو في اخونا وهو راقد مسكين ماعنداعلم بشى

عفووووووووا عفووووووووا خليها فى مرة اخرى انكملهاالكم ان كان تبو {انتظر تعليقاتكم}
والله والله قصه حقيقيه

تحياتى القناص اللليبى

منوررر يا خوي القناص الليبي علي هذه القصه الرائعه لكن نبو التكميله منك ارجو ذلك

انشالله بس نبو راى باقى الاعضاااااء